Proxecto 20/21

Para rematar este mes de xuño co proxecto de "Saúde" traballamos a seguridade vial.

O pasado xoves, 17 de xuño, tivemos a sorte de contar ca policía local de Redondela e a Garda Civil.

Nunha primeira parte da actividade, estivemos moi atentos ao que nos contaban acerca dos perigos e das normas que debemos seguir cando camiñamos pola nosa localidade. A través duns vídeos, aprendemos a importancia de coñecer os sinais, respectar ao resto de peóns, ter coidado ao cruzar a rúa...

Despois, chegaba a parte que estábamos desexando...poder ver e subir nos seus coches e descubriri como son por dentro e todo o que levan!!

Aínda con mal tempo...PASÁMOLO XENIAL!!

Durante o terceiro trimestre  fomentamos a actividade física, movemento e hábitos saudables a través de diferentes retos.

Desexábamos con gañas que chegase o venres para ver eses vídeos marabillosos cás familias e descubrir o novo reto da seguinte semana!!

GRACIAS POLA VOSA PARTICIPACIÓN!!

Como broche final, non queremos despedirnos sen ensinarvos o resultado final dunha coreografía conxunta do alumnado do colexio.

Desfrutade do verán e...A SEGUIR MOVENDO O ESQUELETO ASÍ DE BEN!!

O  luns 24  e martes 25 de maio  a  praia de Arealonga recibiu a visita das nenas e nenos do noso cole, para continuar cas actividades relacionadas co noso proxecto de centro. Neste caso, no mes de maio traballamos sobre a saúde medioambiental.

A actividade consistiu na identificación dos residuos e a explicación da súa procedencia. Unha vez identificados o alumnado procedeu a retirar o lixo da praia de forma selectiva para o seu tratamento. Atopáron gran cantidade de cabichas, entullos e vidros.

 Puidemos participar nunha xornada educativa e de lecer preparada pola concellería de medio ambiente.

Moitas gracias!!

"Nunca choveo que non escampara"

Nenos e nenas, xa chegou un novo reto do Beretiño!!

Animámosvos, coa axuda das vosas familias, a investigar no REFRANEIRO POPULAR buscando expresións relacionadas coa superación de obstáculos e dificultades da vida.

Pinchade na seguinte imaxe para ver a explicación do Beretiño.

ANÍMATE A PARTICIPAR!! Tedes de data límite ata 22 de marzo.

E con esta imaxe presentámosvos o proxecto de este ano a nivel centro: "SAÚDE!"

Os principais temas que desenvolveremos e traballaremos ao longo deste curso son os que aparecen na imaxe. Intentaremos aprender moitas cousas relacionadas coa saúde e primando a parte práctica para afianzar os contidos.

Xa sabedes que este proceso de ensino-aprendizaxe está aberto a toda a comunidade educativa, polo que se alguen quere participar non dubide en contactar con nós!

A por este curso todxs xuntxs!!!