Skip to Content

GRADUACIÓNS 2023

Mér, 21/06/2023 - 20:09 — admin
21/06/2023 20:54
Europe/Madrid

Bailes...discursos de despedida...dipolomas...agasallos...e moita, moita emoción para desexarlle toda a sorte do mundo na súa nova etapa en primaria e no instituto!
Aos pequenxs desexarlle que voen moi alto cara primaria e xs maiores que hoxe se despiden, non vos olvidedes nunca que un anaquiño de todxs e cada un/unha de vós quedará no cole!! 

  

    

 

 

FOLERPAS 2023

Lun, 19/06/2023 - 09:17 — admin
19/06/2023 10:12
Europe/Madrid

E co curso a piques de rematar....sae unha nova edición da nosa revista "FOLERPAS 2023"

Esperemos que pasedes un bo rato lendo e desfrutando da revista e que vos guste tanto como a nós!!

https://issuu.com/noemimoreiracousido/docs/folerpas_22-23

             

A Caracola Tola e o Beretiño deséxanvos un bo verán...vémonos en setembro cas mesmas ou máis gañas!!

ACTIVIDADE FIN DE CURSO

Dom, 18/06/2023 - 23:00 — admin
21/06/2023 20:47
Europe/Madrid

Hoxe a mañá no Angorén foi moi distinta… nótase que a fin do curso está chegando… 
Queriamos un día soleado, pero as nubes decidiron ser cómplices dos monitores e tivemos “festa da auga natural”.
Metidos de cheo na búsqueda do tesoura da Atlántida, fomos superar as probas. Pero sen dúbida, o que máis nos gustou foi mollarnos e mollar aos demais, porque o verán está chegando!

ENGLISH DAY

Xov, 15/06/2023 - 10:11 — admin
15/06/2023 11:05
Europe/Madrid

Onte puidemos disfrutar dun English Day co alumnado de infantil e 1º e 2º de primaria.

A rapazada estivo preparando uns deliciosos pratos con froita nun ambiente distendido e con explicacións na lingua estranxeira que tanto lles gusta.

                

 

LIBROS DE TEXTO CURSO 2023-2024

Lun, 12/06/2023 - 09:43 — admin
12/06/2023 10:39
Europe/Madrid

A continuación podedes ver a lista de libros de texto do curso 2023 - 2024.

En adxuntos podedes descargar o documento.

 

 

MENÚ COMEDOR XUÑO 2023

Mér, 31/05/2023 - 12:29 — admin
31/05/2023 13:26
Europe/Madrid

Aquí vos deixamos o menú de comedor do mes de xuño.

Podedes descargar todos nos adxuntos desta entrada.

Bo proveito!

 

AXUDAS COMEDOR ESCOLAR 2023-2024

Mar, 30/05/2023 - 07:27 — admin
30/05/2023 08:21
Europe/Madrid

 

Aberto o prazo para solicitar axudas para comedor escolar no Concello de Redondela.

 

- Alumnado destinatario: 2º ciclo de Educación Infantil (3-5 anos) e educación primaria (6-12 anos)

 

- Prazo de presentación de solicitudes: ata o 23 de xuño de 2023

 

Ligazón da páxina do Concello de Redondela:

http://redondela.gal/gl/subvencions

 

Máis información nos documentos adxuntos

SEMANA DAS LETRAS GALEGAS 2023

Mér, 24/05/2023 - 08:05 — admin
24/05/2023 08:56
Europe/Madrid

SEMANA DAS LETRAS GALEGAS 2023

Entre todo o alumnado fixemos un mural colaborativo para traballar a figura do homenaxeado deste ano: FRANCISCO FERNÁNDEZ DEL RIEGO, a quen debemos, xunto a outros dous membros da RAG, a celebración desta data.

INFANTIL realizou a súa caricatura.

 


PRIMEIRO E SEGUNDO reproduciron dun xeito moi creativo as portadas dalgúns dos seus libros.

  

TERCEIRO E CUARTO fixeron un acróstico a partir do seu nome e apelidos.

 

QUINTO E SEXTO elaboraron unha liña do tempo coas datas máis significativas da súa vida.

 
Animádevos a visitalo na entrada do centro!!

VISITA AO MUSEO DO MAR

Mar, 23/05/2023 - 16:32 — admin
23/05/2023 17:28
Europe/Madrid

Neste precioso día de primavera, o alumnado de educación infantil disfrutou dunha visita ao Museo do Mar e máis unha merenda e tempo de ocio na alameda de Bouzas. No museo, viron, tocaron e estiveron en contacto con seres vivos e inertes que espertaron o seu interese polo mundo mariño. Non o puideron pasar mellor!

                

AXUDAS LIBROS DE TEXTO E MATERIAL ESCOLAR 2023-2024

Mar, 23/05/2023 - 09:41 — admin
23/05/2023 10:27
Europe/Madrid

Xa está publicado no DOG a ORDE do 10 de maio de 2023 pola que se abre o prazo para o Fondo solidario de

libros de texto e axudas para a adquisición de libros de texto e material escolar para o vindeiro curso escolar 2023-2024.

 

O alumnado que pode solicitar estas axudas é: 

-1º e 2º de Educación Primaria: Axuda para compra de libros e material. 

-3º a 6º de Educación Primaria: Préstamo de libros (fondo solidario) e axuda material.

 

* Presentación de solicitudes: ata o 21/06/2023

 

Para a solicitude tedes que acceder ao seguinte enlace: https://www.edu.xunta.es/fondolibros/

 

1º Abrirase a seguinte páxina e tedes que premer no botón de arriba á dereita:

 

2º Na seguinte páxina tedes que acceder coa chave 365 e o voso DNI:

 

Para solicitar a Chave 365 premer no seguinte enlace: https://www.xunta.gal/cita-previa?langId=es_ES 

Para máis información sobre a Chave 365:  htts://sede.xunta.gal/tramites-e-servizos/chave365?langId=es_ES

 

3º Tedes que premer na palabra "cidadán" (no menú da parte esquerda).

 

4º Nesta páxina, posteriormente, podedes consultar as solicitudes a través do DNI. Abaixo no botón laranxa prememos para "Crear unha nova solicitude"

 

5º Búsqueda do centro: Provincia de Pontevedra - Concello de Redondela - CEIP Plurilingüe Alexandre Bóveda

 

6º Seleccionar o alumno/a e iniciar solicitude. Se non aparece o alumno/a premer en iniciar solicitude para outro alumnado.

 

 7º Cubrir os datos e premer en "presentación en papel no centro". En caso de querer presentalo de forma telemática non tedes que traer nada ao centro e premer no botón: presentación telemática.

 

Se a presentades no centro tedes que imprimir a solicitude e o anexo II e traelos ao centro asinados xunto cunha fotocopia do libro de familia e o orixinal, e de ser o caso fotocopia da sentencia de separación ou divorcio, certificado do grao de discapacidade...

O horario de presentación no centro será todos os días de 8:50-9:30 ou de 13:00 a 13:35 e os martes de 16:00-18:00.

No caso de presentala na Sede Electrónica da Xunta non tedes que facer nada, chéganos un correo de aviso ao centro.

  

A continuación podedes ver a táboa-resumo das axudas segundo a renda do ano 2021.

 

Calquera dúbida tedes adxunto nesta publicación o manual de axuda ou podedes mandar un correo ao ceip.alexandre.boveda@edu.xunta.gal ou chamar ao 886120405.

 

 

 

XXVIII MARATÓN DAS LETRAS GALEGAS

Lun, 22/05/2023 - 08:10 — admin
22/05/2023 08:59
Europe/Madrid

E por fin chegou o día tan agardado por todo o alumnado do noso cole:

a celebración do Maratón das Letras Galegas.

 

A MAREA VERMELLA DO ANGORÉN desprazouse a zona do paseo, na rúa do Peirao do Porto de Chapela,  para desfrutar dunha xornada de convivencia e deporte xunto co resto de coles de Chapela  e reivindicar o uso do GALEGO

 

 

Tras disputar todas as nosas carreiras con moita ilusión e animar moito nas demáis… todos gañamos a medalla de ouro en ESFORZO, COMPAÑEIRISMO E DIVERSIÓN !!!

     

Xa estamos agardando pola próxima edición

 

 

 

CHARLA DE ASTRONOMÍA

Lun, 22/05/2023 - 00:00 — admin
23/05/2023 09:06
Europe/Madrid
Esta mañá, todo o cole gozou dunha actividade de astronomía da man de Julio e Mónica.
Compartiron con nós a súa afición polo universo que nos rodea.
Aprendemos moito e quedamos con ganas de saber máis!!
  
  
Grazas por visitarnos! Ata outra!

PROGRAMA MUNICIPAL DE CONCILIACIÓN DE VERÁN 2023

Xov, 18/05/2023 - 08:19 — admin
18/05/2023 09:15
Europe/Madrid

A Concellería de Igualdade do Concello de Redondela vén de abrir o prazo de inscrición para participar no Programa Municipal de Conciliación para este ano 2023, unha iniciativa que busca que veciñas e veciños poidan compaxinar a vida laboral e familiar e permitir que as e os participantes poidan gozar de actividades lúdico-educativas no tempo estival.

O prazo de inscrición, totalmente de balde, permanecerá aberto dende o día 18 de maio ata o día 31 de maio.

O programa está destinado a nenos e nenas con idades comprendidas entre os 3 e 12 anos.

O horario será de 09:00 a 14:00 horas, de luns a venres.

Máis información: http://redondela.gal/es/anuncios

 

Nos adxuntos atoparedes as bases e ficha de incrición.

TÍTERES 2023

Xov, 18/05/2023 - 00:00 — admin
23/05/2023 11:45
Europe/Madrid

XXIV Festival de títeres de Redondela

Hoxe o alumnado de infantil e do primeiro ciclo de primaria aproveitaron a viaxe en bus para merendar e xogar no parque de Redondela e despois ver a obra “Trapito viajero”.

Mergullámonos na historia de Mara, unha nena con moito apego cara o seu trapito. Éste viaxou por moitos lugares ata reencontrarse coa súa gran amiga. Toda a viaxe acompañada de música para gozar do espectáculo!!

 

 

MARATÓN DAS LETRAS GALEGAS

Mar, 16/05/2023 - 09:11 — admin
16/05/2023 10:00
Europe/Madrid

O maratón das Letras Galegas será o día 19 de maio na zona do paseo, na rúa do Peirao do porto de Chapela co resto dos centros educativos da nosa zona.

A planificación dese día é a seguinte: 

 

Se queredes saber o percorrido de cada un dos cursos podedes acceder ao enlace:

https://www.google.com/maps/d/viewer?mid=1BusSmedCcHpF11AyvZrh93STwvAkGhD9&ll=42.26740841953366%2C-8.673642708626524&z=16

 

Este ano colaboran: Concello de Redondela, Unicef, DISCAMINO

 

PIRAGÜÍSMO

Mar, 16/05/2023 - 00:00 — admin
22/05/2023 13:02
Europe/Madrid

Dende o departamento de Educación física apostouse por achegar o piragüismo ao alumnado do cole da man do Club Piragüismo Olívico.

                                                  

Esta semana o alumnado de 3º e 4º de primaria tiveron a gran sorte de probar os kayaks e as piraguas. Ata Bouzas fomos, con moitas ganas, pero tamén con un pouco de medo.
Chalecos salvavidas postos, pois a seguridade é o primeiro, alá fomos montar nos kayaks e nas piraguas. Para que todo salise ben, precisabamos da coordinación e do equilibrio que tanto traballamos en EF. Ás veces rematamos na auga, pero un chapuzón non nos botou para atrás e volvemos probar!
 
            

O resultado foi espectacular. Todos e todas conseguiron montar e remar 
Grazas infinitas a Jose e a Miguel. Primeiramente por facer posible esta saída e achegarnos este deporte tan chulo. Tamén por guiarnos e acompañarnos en todo momento. E, por suposto, por rescatarnos cando o necesitamos!!

"POLO CORREO DO VENTO"

Xov, 11/05/2023 - 12:26 — admin
11/05/2023 13:24
Europe/Madrid
Hoxe tivemos na biblio da Caracolatola unha visita moi especial: “Polo Correo do Vento”. 
 
O día das letras galegas está a caer e no Alexandre Bóveda xa estamos quentando motores. 
 
Este ano o homenaxeado é Francisco Fernández del Riego e hoxe puidemos coñecer a súa historia grazas a unha pequena biografía ilustrada de Polo correo do vento.
Dende os máis pequenos ata os medianos do cole, gozaron dunha sesión “espectacular”, así a definían algúns dos participantes.
 
Ademais de achegarnos á figura das Letras Galegas deste ano, axudáronnos a desenvolver un chisquiño máis a nosa creatividade  e expresión artística. Antes de comezar o obradoiro escoitamos algunha voz de “eu non sei debuxar” mais os resultados amosan todo o contrario, cada un e cada unha obtivo una estupenda caricatura de Francisco Fernández del Riego! 
 
Grazas Enrique Mauricio por agasallarnos con esa historia oral e Carlos Taboada por guiarmos no noso debuxo!
 
 
 
 
 

LECTURA E FAMILIAS

Ven, 05/05/2023 - 21:05 — admin
05/05/2023 21:59
Europe/Madrid

 A biblioteca da CARACOLATOLA presenta... ENCONTROS NA BIBLIOTECA!!



Tras recabar información sobre as inquedanzas e necesidades das familias... preparamos 5 encontros que non vos podedes perder!!

              

             

                  

Todos eles requiren INSCRIPCIÓN PREVIA, mandando un correo electrónico a bibliodacaracolatola@gmail.com

Nese correo debes indicar:
- CONCEPTO: o que se indica para cada un dos encontros.
- NOME e APELIDOS das persoas da familia que van a asistir. (LEMBRA! Algunhas propostas son só para familias, e noutras tamén pode vir o alumnado).



Dende o equipo de biblio contestarémosvos indicando se tendes plaza ou estades en lista de espera.

Pregámosvos ás persoas interesadas que se reservan plaza, comprométanse a vir. En caso de xurdir algún imprevisto, agradecémosvos que avisedes coa maior antelación posible, para poder cederlle a plaza a outra persoa.

Se tendes algunha pregunta, non dubidedes en escribirnos por correo! Intentaremos contestar o antes posible!

MAIOS 2023

Ven, 05/05/2023 - 20:53 — admin
05/05/2023 21:45
Europe/Madrid

Hoxe démoslle oficialmente a benvida á primavera coa celebración dos maios.

Onte os nenos e nenas do Angorén traballaron moi duro para levantar ese maio que hoxe luce tan bonito. Tamén tiñan as súas coplas preparadas na que nos contaban algo do que levan feito neste curso. As profes e as familias tamén se animaron a participar e todos xuntos puidemos gozar dun bonito festival.

Pequeno resumo de todos os pequenos e grandes artistas do Angorén.

         

           

            

         


Dende infantil ata as familias, pasando por primaria e as profes, todos xuntos e todas xuntas, puidemos gozar un ano máis da tradición dos maios.

Ano tras ano, gozamos dunhas coplas que ben merecen os mellores premios da comarca . Orixinais e sinceras, onde entra un pouco de todo: amor , humor, reclamos e agradecementos . Porque como quedou hoxe claro, todos estamos a unha!!

 

Agora que temos a primavera ben entrada, seguimos nesta recta final cara o verán!

 

ELABORACIÓN DOS MAIOS

Ven, 05/05/2023 - 20:40 — admin
05/05/2023 21:34
Europe/Madrid

A primavera xa está aquí e en Galicia rendémoslle culto levantando estas construcións vexetais. Os nenos e nenas, en grupos internivel, axudáronse uns aos outros e conseguiron un precioso maio.

       

                                        

Xuntas, organizadas e coordinadas: as aulas do cole foron creando as pezas que fixeron posible levantar o Maio do Angorén.

 

 

O teu navegador non soporta este vídeo.

 

Mañá é o gran día! Os cánticos copleros xa están listos e non podemos agardar a escoitar as voces de pequenos e maiores!

Distribuir contido


by Dr. Radut