Eventos
Aquí vos deixamos o menú de comedor do mes de maio.
Podedes descargar todos nos adxuntos desta entrada.
Bo proveito!
Familias, está aberto o prazo para solicitar as becas e axudas do ministerio de educación e formación profesional para aquel alumnado que presente necesidades específicas de apoio educativo.
Pichade na seguinte imaxe e teredes toda a información e nos adxuntos desta entrada tedes a convocatoria e o anuncio do BOE
Un sábado de convivencia no centro e o resultado foi espectacular. Entre todxs, traballando en quipo puidemos realizar diferentes xogos e espazos para que o nosos alumnado disfrute deles no tempo de lecer.
Moita ilusión cos nosos novos rincóns dos patios!! Mirade o seguinte video para ver proceso e resultados do obradoiro familia-escola!!!
A semana do libro está chea de actividades para desfrutar! Onte, dende a biblioteca da Caracola Tola propúxose a caracterización do noso personaxe de libro favorito.
Mirade que abanico de personaxes!
Conta a lenda que san Jordi matou un dragón empregando a súa espada e do sangue que se derramou brotou un rosal con flores vermellas.
A cativada do Angorén facendo uso desta lenda, púxose mans a obra e crearon rosas cunha mensaxe para regalar a quen quixesen!!
A primavera xa está aquí e en Galicia rendémoslle culto levantando estas construcións vexetais. Os nenos e nenas, en grupos internivel, axudáronse uns aos outros e conseguiron un precioso maio.
Xuntas, organizadas e coordinadas: as aulas do cole foron creando as pezas que fixeron posible levantar o Maio do Angorén.
O teu navegador non soporta este vídeo.
Mañá é o gran día! Os cánticos copleros xa están listos e non podemos agardar a escoitar as voces de pequenos e maiores!
Hoxe démoslle oficialmente a benvida á primavera coa celebración dos maios.
Onte os nenos e nenas do Angorén traballaron moi duro para levantar ese maio que hoxe luce tan bonito. Tamén tiñan as súas coplas preparadas na que nos contaban algo do que levan feito neste curso. As profes e as familias tamén se animaron a participar e todos xuntos puidemos gozar dun bonito festival.
Pequeno resumo de todos os pequenos e grandes artistas do Angorén.
Dende infantil ata as familias, pasando por primaria e as profes, todos xuntos e todas xuntas, puidemos gozar un ano máis da tradición dos maios.
Ano tras ano, gozamos dunhas coplas que ben merecen os mellores premios da comarca . Orixinais e sinceras, onde entra un pouco de todo: amor , humor, reclamos e agradecementos . Porque como quedou hoxe claro, todos estamos a unha!!
Agora que temos a primavera ben entrada, seguimos nesta recta final cara o verán!
A biblioteca da CARACOLATOLA presenta... ENCONTROS NA BIBLIOTECA!!
Tras recabar información sobre as inquedanzas e necesidades das familias... preparamos 5 encontros que non vos podedes perder!!
Todos eles requiren INSCRIPCIÓN PREVIA, mandando un correo electrónico a bibliodacaracolatola@gmail.com
Nese correo debes indicar:
- CONCEPTO: o que se indica para cada un dos encontros.
- NOME e APELIDOS das persoas da familia que van a asistir. (LEMBRA! Algunhas propostas son só para familias, e noutras tamén pode vir o alumnado).
Dende o equipo de biblio contestarémosvos indicando se tendes plaza ou estades en lista de espera.
Pregámosvos ás persoas interesadas que se reservan plaza, comprométanse a vir. En caso de xurdir algún imprevisto, agradecémosvos que avisedes coa maior antelación posible, para poder cederlle a plaza a outra persoa.
Se tendes algunha pregunta, non dubidedes en escribirnos por correo! Intentaremos contestar o antes posible!
O maratón das Letras Galegas será o día 19 de maio na zona do paseo, na rúa do Peirao do porto de Chapela co resto dos centros educativos da nosa zona.
A planificación dese día é a seguinte:
Se queredes saber o percorrido de cada un dos cursos podedes acceder ao enlace:
Este ano colaboran: Concello de Redondela, Unicef, DISCAMINO
A Concellería de Igualdade do Concello de Redondela vén de abrir o prazo de inscrición para participar no Programa Municipal de Conciliación para este ano 2023, unha iniciativa que busca que veciñas e veciños poidan compaxinar a vida laboral e familiar e permitir que as e os participantes poidan gozar de actividades lúdico-educativas no tempo estival.
O prazo de inscrición, totalmente de balde, permanecerá aberto dende o día 18 de maio ata o día 31 de maio.
O programa está destinado a nenos e nenas con idades comprendidas entre os 3 e 12 anos.
O horario será de 09:00 a 14:00 horas, de luns a venres.
Máis información: http://redondela.gal/es/anuncios
Nos adxuntos atoparedes as bases e ficha de incrición.
E por fin chegou o día tan agardado por todo o alumnado do noso cole:
a celebración do Maratón das Letras Galegas.
A MAREA VERMELLA DO ANGORÉN desprazouse a zona do paseo, na rúa do Peirao do Porto de Chapela, para desfrutar dunha xornada de convivencia e deporte xunto co resto de coles de Chapela e reivindicar o uso do GALEGO
Tras disputar todas as nosas carreiras con moita ilusión e animar moito nas demáis… todos gañamos a medalla de ouro en ESFORZO, COMPAÑEIRISMO E DIVERSIÓN !!!
Xa estamos agardando pola próxima edición
Dende o departamento de Educación física apostouse por achegar o piragüismo ao alumnado do cole da man do Club Piragüismo Olívico.
O resultado foi espectacular. Todos e todas conseguiron montar e remar
Xa está publicado no DOG a ORDE do 10 de maio de 2023 pola que se abre o prazo para o Fondo solidario de
libros de texto e axudas para a adquisición de libros de texto e material escolar para o vindeiro curso escolar 2023-2024.
O alumnado que pode solicitar estas axudas é:
-1º e 2º de Educación Primaria: Axuda para compra de libros e material.
-3º a 6º de Educación Primaria: Préstamo de libros (fondo solidario) e axuda material.
* Presentación de solicitudes: ata o 21/06/2023
Para a solicitude tedes que acceder ao seguinte enlace: https://www.edu.xunta.es/fondolibros/
1º Abrirase a seguinte páxina e tedes que premer no botón de arriba á dereita:
2º Na seguinte páxina tedes que acceder coa chave 365 e o voso DNI:
Para solicitar a Chave 365 premer no seguinte enlace: https://www.xunta.gal/cita-previa?langId=es_ES
Para máis información sobre a Chave 365: htts://sede.xunta.gal/tramites-e-servizos/chave365?langId=es_ES
3º Tedes que premer na palabra "cidadán" (no menú da parte esquerda).
4º Nesta páxina, posteriormente, podedes consultar as solicitudes a través do DNI. Abaixo no botón laranxa prememos para "Crear unha nova solicitude"
5º Búsqueda do centro: Provincia de Pontevedra - Concello de Redondela - CEIP Plurilingüe Alexandre Bóveda
6º Seleccionar o alumno/a e iniciar solicitude. Se non aparece o alumno/a premer en iniciar solicitude para outro alumnado.
7º Cubrir os datos e premer en "presentación en papel no centro". En caso de querer presentalo de forma telemática non tedes que traer nada ao centro e premer no botón: presentación telemática.
Se a presentades no centro tedes que imprimir a solicitude e o anexo II e traelos ao centro asinados xunto cunha fotocopia do libro de familia e o orixinal, e de ser o caso fotocopia da sentencia de separación ou divorcio, certificado do grao de discapacidade...
O horario de presentación no centro será todos os días de 8:50-9:30 ou de 13:00 a 13:35 e os martes de 16:00-18:00.
No caso de presentala na Sede Electrónica da Xunta non tedes que facer nada, chéganos un correo de aviso ao centro.
A continuación podedes ver a táboa-resumo das axudas segundo a renda do ano 2021.
Calquera dúbida tedes adxunto nesta publicación o manual de axuda ou podedes mandar un correo ao ceip.alexandre.boveda@edu.xunta.gal ou chamar ao 886120405.
XXIV Festival de títeres de Redondela
Hoxe o alumnado de infantil e do primeiro ciclo de primaria aproveitaron a viaxe en bus para merendar e xogar no parque de Redondela e despois ver a obra “Trapito viajero”.
Mergullámonos na historia de Mara, unha nena con moito apego cara o seu trapito. Éste viaxou por moitos lugares ata reencontrarse coa súa gran amiga. Toda a viaxe acompañada de música para gozar do espectáculo!!
Neste precioso día de primavera, o alumnado de educación infantil disfrutou dunha visita ao Museo do Mar e máis unha merenda e tempo de ocio na alameda de Bouzas. No museo, viron, tocaron e estiveron en contacto con seres vivos e inertes que espertaron o seu interese polo mundo mariño. Non o puideron pasar mellor!
SEMANA DAS LETRAS GALEGAS 2023
Entre todo o alumnado fixemos un mural colaborativo para traballar a figura do homenaxeado deste ano: FRANCISCO FERNÁNDEZ DEL RIEGO, a quen debemos, xunto a outros dous membros da RAG, a celebración desta data.
INFANTIL realizou a súa caricatura.
PRIMEIRO E SEGUNDO reproduciron dun xeito moi creativo as portadas dalgúns dos seus libros.
TERCEIRO E CUARTO fixeron un acróstico a partir do seu nome e apelidos.
QUINTO E SEXTO elaboraron unha liña do tempo coas datas máis significativas da súa vida.
Animádevos a visitalo na entrada do centro!!