No marco da materia de Ciencias Sociais, algunhas das alumnas de 4º B realizaron distintas investigacións e posteriores exposicións sobre a evolución de distintas máquinas ben coñecidas como a lavadora, a bicicleta, o coche, a aspiradora, a cafetera, o ordenador, o teléfono, o microondas, a televisión ou a impresora 3D.

O alumnado de 4ºA realizou unha investigación sobre as propiedades particulares dalgúns minerais.

O alumnado de 6º de primaria participou nunha sesión de robótica programando os M-block.

O alumnado de 5º de primaria achégase ao mundo da programación empregando programas como m-block e Lego Boot.

  b

b

Zoe e Ainhoa alumnas de 6º de primaria, dedicaron tempo a investigar coa ciencia a través destes experimentos que comparten connosco.

O Día Internacional das Rapazas nas TIC é unha celebración a nivel internacional, orientada a motivar ás novas xeracións de mozas para que consideren o ámbito das TIC para o seu desenvolvemento académico, investigador e profesional.

O alumnado de 4º, 5º e 6º E.P gozou dun coloquio virtual mediante multiconferencia organizado polo CESGA (Centro de Supercomputación de Galicia) con 4 referentes TIC galegas.

As participantes do coloquio do Día das Rapazas nas TIC 2023 foron:

• Mariamo Mussa Juane, doutora en Física.

• Alba Meijide, licenciada en Intelixencia Artificial.

• Carmela Troncoso, enxeñeira de Telecomunicacións.

• Esther Medina, enxeñeira de Telecomunicacións.

Unha vez que escoitaron as distintas intervencións, o alumnado puido enviarlles preguntas para interaccionar con elas.

O pasado martes 21 de marzo, grazas ao “Plan Proxecta: Rapazas Emprendedoras nas TIC” no que participamos, o alumnado de 4º de Educación Primaria puido gozar dunha videoconferencia sobre Intelixencia Artificial.

A charla foi impartida pola enxeñeira informática Alma Gómez, investigadora no uso de Sistemas Intelixentes en distintos campos de aplicación.

O alumnado puido ver distintas aplicacións como Midjourney, DALL-E2 e ChatGPT.

Velaquí deixamos algunhas fotos.

Polo Día de Rosalía de Castro, o alumnado de 5º empregou a ferramenta Incredibox para crear distintas melodías coas que poder acompañar o famoso poema “Adiós ríos, adiós fontes” da poetisa.

A continuación, compartimos algunhas das fermosas creacións que xurdiron grazas ao seu enxeño traballando coa antedita ferramenta e que poderedes escoitar se escaneades os códigos QR.

O 11 de febreiro foi o Día Internacional da Muller e a Nena na Ciencia. Con motivo desta conmemoración, o alumnado de 4º de primaria  investigou sobre distintas mulleres pioneiras no mundo científico e compuxeron este fermoso mural.

Alén disto, dedicaron momentos para xogar e aprender empregando o xogo de cartas "Mulleres na Ciencia" e facer experimentos.

b

Seguindo coa conmemoración do Día internacional da muller e a nena na ciencia, o alumnado de 5 anos tivo o pracer de contar coa visita de Tania ( nai de Olivia), enxeñeira Informática, que traballa de técnica de marcapasos e desfibriladores.

A súa charla foi moi interesante e entretida.

Moitas grazas  Tania!