O pasado mes de maio as nenas e os nenos  de 5ª e 6ª fomos de excursión ao parque Marcelle Natureza.

É un parque zoolóxico, que está situado en San Martín de Guillar-Outeiro  de rei (Lugo).

Ensínante a protexer a fauna e a flora  silvestre, coñecer cousas dos animais, divertirnos e disfrutar da natureza e conservala. Nel  pódense encontrar varias especies de animais.

Hai mamíferos diversos: antílopes, axis, bisontes americanos,  xabaríns, cebras, cervos do padre de David, lobos ibéricos, osos pardos, porco espiño africano, suricatas, wapitis,etc.

Hai aves coma: o moucho real, avestruces (ave actual máis grande e pesada, que ao poñer un ovo equivale a 24 ovos de galiña e pesa ata 2 kg), etc.

E hai réptiles coma: a iguana verde, pintón verde, a tartaruga da terra africana, etc.

No parque había xogos, como un que se chama “Apache”. E práctica de tiro con arco. Ensínante técnicas básicas de tiro con arco. Ademais fálanche da caza, a cultura e o respecto cara a natureza dos nativos americanos. Outro xogo era “Toco Marcelle”que consistía en adiviñar a que animal pertence algunas partes do seu corpo.

O parque natural zoolóxico é moi educativo e divertido.              Jéssica Geanina 6º Ed. Primaria          

             (preme nas imaxes para ver todas as fotos)

O martes, 27 de maio, os máis cativos do colexio (os nenos/as de 3 e 4 anos) foron visitar o pobo-escola de Lodoselo.Aquí realizaron actividades formativas ao tempo que coñeceron e experimentaron a realidade rural, natural, modo de vida da aldea... Á volta isto foi o que nos contaron...

Foi un día divertido e emocionante dende que subimos ao autobús para emprender viaxe a Lodoselo. Primeiramente fomos ao forno para facer pan. Mesturamos os ingredientes e amasamos na artesa, axudados pola señora Angelita, e atendendo as explicacións de Alberto. Deixamos levedar a masa e continuamos coas actividades.

Repartidos en grupos, e dirixidos por Marta, Bruno e McGiver disfrutamos un montón:

(Preme nas imaxes para acceder á galería de fotos)

LUME  - TÍTERES BABALUVA

O luns, 26 de maio, os nenos e nenas de 4º, 5º e 6º de educación infantil acudiron ao Auditorio Municipal a presenciar a obra de teatro de títeres LUME que representou o grupo TÍTERES BABALUVA.

Nun bosque algo fixo ladrar ao can... Unha lapa de lume ía provocar un incendio. O can chamou a vaca, a vaca ao cervo, o cervo á xabarila, a xabarila á landra, a landra ao moucho e el avisou a araña. A araña viu ao ourizo e o sapo alertou a garza... E todos xuntos crearon un plan para apagar o lume.

Nesta proposta innovadora de teatro de obxectos dúas titiriteiras recrean un bosque para contar esta historia de sensibilización medioambiental, utilizando unha técnica mixta de contacontos e títeres de mesa.

PASEO NO TREN CHU-CHÚ 

(preme no tren para acceder á galería de fotos)

O pasado luns, 19 de maio  os alumnos e alumnas de 2º A e 2º B saímos da escola para dar un paseo no Tren das Termas. Nun autobús nos desprazamos ata a Praza Maior e alí collemos o trenciño. Ocupamos todo un vagón e fixemos moito barullo. O día estivo algo fresco, incluso caeu alguna pinga, pero nós pasámolo moi ben. A próxima vez teremos que levar os bañadores e poñernos a remollo! . Podedes ver alguna das fotos que fixemos facendo clic no tren.

O vindeiro xoves, 29 de maio, os alumnos/as de 5º e 6º de primaria realizarán unha saída didáctica ao parque "Marcelle Natureza" (Outeiro de Rei- Lugo), actividade programada polo colexio en colaboración coa ANPA - Casardomato. Ademais esta visita completarase cunha parada na cidade de Lugo para visitar a muralla romana (monumento declarado patrimonio da humanidade).

   No enlace poden consultar toda a información e descargar a autorización.

Os nenos/as de 1º de primaria realizaron o día 16 de maio un paseo no Tren das Termas, dende a Praza Maior ata as pozas de Outariz. O obxectivo desta actividade, promovida polo Concello de Ourense, é que os nenos/as cheguen a coñecer a riqueza natural da ribeira do Miño e das termas, así como algúns dos puntos de interese especial da cidade, as súas pontes, a flora, a importancia das illas do río, o muíño da Veiga e a maxia da auga termal. Así mesmo trátase de conciencialos no respecto pola natureza e o seu coidado e no goce das actividades ao aire libre.

(preme nas imaxes para visualizalas a maior tamaño)

O día 14 de maio os alumnos/as de 5º e 6º de primaria realizaron unha visita á ETAP (Estación de tratamento de augas potables) co obxectivo de coñecer o tratamento necesario para que as augas sexan aptas para o consumo humano. A actividade consistiu primeiramente nunha charla de arredor de 20 minutos de duración sobre a importancia da auga no planeta e sobre os procesos de potabilización da mesma, despois da cal viron in situ como se realiza este proceso coas augas procedentes do río Miño e do río Loña (embalse de Cachamuiña) que son os que abastecen de auga á cidade de Ourense.

        (preme nas imaxes para acceder á galería de fotos)

O luns 12 de maio os alumnos de 2º ciclo de primaria asistiron á representación da obra Trogloditas  do grupo Tanxarina Títeres no Auditorio Municipal de Ourense co patrocinio da Fundación Novacaixagalicia.
Na obra tres trogloditas nos invitan á súa cova e cos seus monicreques e instrumentos asistimos a un divertido espectáculo prehistórico cheo de gags cómicos e versións de cancións coñecidas.
Os espectadores botaron unhas boas risas ao longo da representación.
Se queredes saber máis do grupo Tanxarina e do seu traballo desde o ano 1983 podedes entrar na súa páxina web: www.tanxarina.es

(preme nas imaxes para acceder á galería de fotos)

Na sala de exposicións de Nocacaixagalicia que se atopa na Praza Maior hai unha exposición (pódese visitar ata o 29 de xuño) sobre o gravado: Múltiple. A arte do gravado de Picasso a Barceló. Simultaneamente realízanse actividades didácticas para que os nenos coñezan esta técnica pictórica.

O venres 25 de abril os alumnos de 3º e 4º de primaria participaron na actividade didáctica proposta para o 2º ciclo de educación primaria: A caixa das ferramentas de Miró. O obxectivo da visita obradoiro e que os nenos coñezan o gravado, algunhas das ferramentas, materiais e técnicas que usa un gravador e pratiquen con eles.

Ademais de contemplar as 52 obras expostas, realizáronse actividades sobre obras de Picasso e Joan Miró. Despois os alumnos  gravaron (facendo incisións cunha gubia) un debuxo feito a lapis nunha prancha de linóleo. Logo de impregnar a prancha gravada con tinta, poñer sobre ela un cartón e apretalos na prensa (tórculo) conseguiron unhas coloridas estampas. (preme nas imaxes para acceder á galería de fotos)

O día 8 de abril os alumnos/as de 6º de educación infantil achégaronse ao Centro Social Fundación Novacaixagalicia de Ourense co fin de realizar unha visita-obradoiro. Mediante a actividade "A Arte do Gravado de Picasso a Barcelo" os nenos/as coñeceron a técnica do gravado a través dos grandes artistas do século XX: Picasso, Miro, Dalí, Tapies... ao mesmo tempo realizaron un obradoiro de aproximación ao mundo da técnica do gravado.

VAIA ARTISTAS...!

ATA SAÍMOS NO XORNAL...!