NESTA SEMANA TAN ENTROIDEIRA SEGUIMOS AS ORDES DO MECO...
|
O LUNS PUXEMOS GRAVATAS, LAZOS, PANOS...
|
 
O MARTES ENGADíMOSLLE UN GORRO, SOMBREIRO, VISEIRA, ORELLAS...
|
|
O MÉRCORES COMPLETAMOS O NOSO ATAVÍO CON COLARES, COLGANTES, PERLAS...
|
|
O XOVES PINTAMOS AS CARAS!!!
|
E o venres por fin chegou o día grande do entroido no cole!!!
Aínda que non puidemos saír ao patio coma outros anos por causa do mal tempo, fixemos igualmente unha gran festa no salón de actos do cole:
- Desfilamos por cursos.
- Os maiores de 5º e 6º leron as coplas do meco.
- Os pequerrechos de infantil formaron unha gran comparsa Os amigos de Cardio, froitas e verduras saudables, aunando así varios proxectos que realizan ao longo deste curso: Programa SI! (Saúde Integral), Do horto ao prato (Proxecto de Voz Natura) e Plan de consumo de froita nas escolas co Proxecto de comedor do centro.
- E rematamos bailando!!.
Na seguinte presentación veredes unha pequena mostra do que foi ese día.
|
ENTROIDO 2015 |
|
|
ATENTOS ESTA SEMANA ÁS ORDES DO MECO!!!
|
O venres 30 de xaneiro celebramos un ano máis no centro o DÍA DA NON-VIOLENCIA E DA PAZ, este día que se celebra nos colexios dende 1964 por iniciativa de Llorenç Vidal, propugna unha educación permanente en e para a concordia, a tolerancia, a solidariedade, o respecto aos dereitos humanos, a non-violencia e a paz. Ao longo destes días traballáronse nas aulas actividades propostas por diferentes equipos (equipo de biblioteca, equipo de dinamización galega, equipo de actividades complementarias e extraescolares...) Velaquí algúns dos resultados das mesmas: |
|
O MURO DA PAZ
A proposta do equipo de dinamización da biblioteca escolar realizouse a actividade O MURO DA PAZ, cada "ladrillo" do muro era unha palabra ou mensaxe relacionado coa paz ou a non-violencia que foi aportando cada neno/a.
|
|
HANDS FOR PEACE
Dende o departamento de inglés realizaron o mural "HANDS FOR PEACE" (manos para la paz) (pica nas imaxes para acceder ao blog deste departamento)
|
|
OS SÍMBOLOS DA PAZ
Por proposta do equipo de actividades complementarias e extraescolares e do equipo de dinamización da lingua galega decoramos este curso a entrada do colexio cos dous símbolos máis universais da paz: o círculo con tres liñas no interior e a pomba coa póla de oliveira no peteiro. Tamén tivemos un recordo especial para a gañadora do derradeiro Premio Nobel da Paz: Malala Yousafzai.
|
|
A POMBA SOLIDARIA
Como remate desta semana, o venres realizamos un acto conxunto: "A POMBA SOLIDARIA". Comezamos coa lectura por parte de alumnos/as de 4º de primaria de textos referidos á paz e a actividade que íamos realizar, a continuación fomos enchendo unha pomba debuxada con alimentos non perecedoiros que serán destinados ao noso banco de alimentos. Por último cantamos e bailamos todos xuntos a canción "Corazón con cremallera".
|
|
Esta actividade consiste en completar o deseño dunha pomba empregando paquetes con alimentos non perecedoiros (arroz, lentellas, pastas, ... leite, conservas, azucre, galletas, cacao,..). Todos aqueles alumnos/as que, de forma voluntaria, queiran participar, poden, entre o mércores (28), o xoves (29) e o venres (30), traer para a clase o paquete que van colocar o último día na confección da pomba. Cada alumno/a irá colocando a súa "axuda" ata completar o deseño. Todos os produtos recollidos serán destinados ao banco de alimentos do colexio. |
|
A veces sentimos que lo que hacemos es tan solo una gota en el mar, pero el mar sería menos si le faltara una gota. (Madre Teresa de Calcuta) |
ASÍ CELEBRAMOS O NADAL NO COLE:
|
|
PREPARAMOS ÁRBORES DE NADAL |
|
|
TRABALLAMOS COAS FAMILIAS |
|
|
REALIZAMOS AS NOSAS FELICITACIÓNS |
|
|
AMBIENTAMOS A ENTRADA DO COLEXIO |
|
|
E TAMÉN OS CORREDORES, AULAS E OUTRAS DEPENDENCIAS... |
|
|
ESCRIBIMOS CARTAS AO APALPADOR |
|
|
TAMÉN LLES ESCRIBIMOS AOS REIS MAGOS... E ACHEGÁRONSE ATA O COLEXIO PARA RECOLLER AS CARTAS!!! |
|
|
APRENDIMOS COMO SE CELEBRA O NADAL NOUTROS PAÍSES... |
|
|
REALIZAMOS A NOSA FUNCIÓN DE NADAL |
|
|
ENVIAMOS POLO CEO OS NOSOS DESEXOS E ILUSIÓNS...!! |
PREME EN CADA UNHA DAS IMAXES PARA ACCEDER A TODA A INFORMACIÓN, FOTOS, PRESENTACIÓNS, VÍDEOS...
(Fai clic na imaxe para ver o programa de actuacións)
O luns 10 de novembro celebramos o magosto no colexio. Despois de disfrutar dun xantar típico desta festa (empanada e bolo preñado) os nenos/as disfrutaron con diferentes xogos populares mentres se asaban as castañas: carreira de sacos, saltar a corda, xogo do tres en raia con castañas, o come-castañas, tirar da corda... Unha vez asadas as castañas, ademais de comelas, non podía faltar o máis divertido: pintarse coa cinsa que quedou da fogueira. Nas fotos podedes ver o ben que o pasaron...!!
|
|
|
|
|
|
|
|
|
|
(Preme en cada imaxe para acceder á galería de fotos)
CELEBRACIÓN "TERRORÍFICA" DO SAMAÍN-HALLOWEEN
Coma todos os anos no colexio celebramos esta data con variedade de actividades. Na biblioteca escolar realizouse un taller de adorno de cabazas e un concurso de contos de medo, ademais de exposicións de libros e proxección dunha película sobre este tema. Erika, a nosa auxiliar de conversa, fixo unha presentación sobre a celebración de Halloween en Estados Unidos que lles ensionu aos nenos/as de 2º, 3º, 4º, 5º e 6º, ademais dalgunha canción e un xogo; nas clases de inglés, os nenos/as tamén fixeron manualidades. Os cativos de educación infantil traballaron unha unidade didáctica sobre o Samaín e realizaron antifaces e distintas manualidades, e non faltou o famoso conto "Corre, corre cabaciña". En 2º de primaria desenvolveron a súa creativade coa confección de "monstros" con rolos de papel... No blog da biblioteca, do departamento de inglés, das aulas de infantil, podedes ver algunha destas actividades.
E NON FALTOU A DECORACIÓN EN TODO O COLEXIO!!!
Con motivo da celebración do Día da Biblioteca Escolar, o venres 24 de outubro, o equipo de dinamización da biblioteca do noso centro preparou unha sesión de contacontos especial coa axuda dun mestre, xa xubilado, que impartiu docencia durante moitos anos no colexio: o profe Xosé Carlos Caramés.
Se queredes saber máis sobre esta celebración, consultade o blog da biblioteca escolar (se clicades na imaxe iredes directamente a el).
| Lun | Mar | Mér | Xov | Ven | Sáb | Dom |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 |
|
|
|
Xunta de Galicia - Consellería de Educación, 2013 | ||
