Accedede á enquisa da ANPA para indicar as actividades que son do voso interese papa o próximo curso 2023-2024.
FONDO SOLIDARIO E AXUDAS PARA ADQUIRIR LIBROS DE TEXTO E MATERIAL ESCOLAR 2023/2024
Do 20 de maio ao 21 de xuño de 2023 está aberto o prazo para solicitar a participación no fondo solidario de libros de texto e para solicitar axudas para adquirir libros de texto e material escolar para o vindeiro curso 2023/2024. Nos seguintes enlaces tedes toda a información:
EXTRACTO DA ORDE DE CONVOCATORIA
ACCESO Á APLICACIÓN FONDOLIBROS
ACCESO Á SEDE ELECTRÓNICA ONDE SE RECOLLE A DOCUMENTACIÓN A ENTREGAR
ANEXO I (solicitude) e ANEXO II (comprobación membros computables da unidade familiar)
CELEBRACIÓN DO DÍA DO LIBRO 2023
Para celebrar o DÍA DO LIBRO volvemos saír ao patio para realizar a actividade de APADRIÑAMENTO LECTOR na que os nenos e as nenas maiores lles leron contos aos máis pequenos e ata algúns dos pequenos se lanzaron a lerlles aos maiores.
Os distintos grupos escolleron o espazo que máis lles gustou para gozar da lectura.
E para rematar puideron apadriñar un ou varios libros que se expurgaron da biblioteca para darlles así unha segunda vida.
Pero aí non quedou a cousa, tamén houbo intercambio de marcapáxinas de agasallo entre toto o alumnado.
Un día fermoso para ler e escoitar!
O alumnado de 4º de visita educativa a GADIS
O alumnado de 4º de Educación Primaria visitou un supermercado Gadis. Esta actividade está enmarcada dentro da proposta educativa ALIMENTES coa que os supermercados Gadis queren achegar ao alumnado á alimentación saudable e ao consumo responsable.
CHARLAS SOBRE NUTRICIÓN
Ao longo de varios días tivemos no colexio a dúas nutricionistas do centro médico A Ponte, que nos falaron da importancia de alimentarse ben para que estemos ben nutridos e non nos falte ningún nutriente dos que precisa o noso corpo para que realice axeitadamente todas as súas funcións.
Aprendemos moito e xa nos quedou algo máis claro que alimentarse non é igual a nutrirse.
VISITA AO CEE O PINO
O pasado venres día 21, realizamos unha visita ao colexio de Educación Especial de O Pino. Ao longo da mañá desfrutamos da maxia, da música, dos xogos e dunha saborosa merenda elaborada polo alumnado do centro. Gozamos dunha experiencia inesquecible da que levamos un montón de amigos e moitas gañas de celebrar outra xornada de convivencia similar no noso centro.
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »