ELECCIÓNS AO CONSELLO ESCOLAR. ELECCIÓNS PAIS/NAIS
CONVOCATORIA
De conformidade coa resolución do 19 de setembro de 2022, da Dirección Xeral de Ordenación e Innovación Educativa (D.O.G. 30/09/2022), a Xunta Electoral deste Centro, en virtude das atribucións que lle son conferidas pola lexislación vixente, dispón a convocatoria de eleccións ao Consello Escolar, SECTOR DE PAIS/NAIS/TITORES DE ALUMNOS, segundo as seguintes normas:
1. Conforme o establecido no artigo 41 do Decreto 374/1996, do 17 de outubro (DOG DO 21) redactado segundo ao establecido na disposición adicional terceira do Decreto 7/1999 do 7 de xaneiro (DOG do 26 xaneiro), corresponde elixir no presente proceso electoral a dous pais/nais/titores, dun total de cinco que debe ter o Consello Escolar; dos cales un/unha na votación deste proceso electoral, outro pai/nai/titor será o representante proposto pola ANPA e os/as outros/as tres continúan como consecuencia da súa elección anterior no 2021.
2. Son electores todos os pais/nais/titores legais do alumnado matriculado no Centro e incluídos no Censo correspondente que a partir do día da data 10 de novembro, estará exposto no taboleiro de anuncios. As reclamacións ao referido censo realizaranse mediante escrito razoado dirixido á Xunta Electoral, ata as 14:00 horas do día 17 de novembro.
3. Son elixibles os/as pais/nais/titores legais do alumnado que formulen a súa candidatura oficial segundo o modelo que se facilitará na secretaría do colexio. As candidaturas poderán ser presentadas do día 11 ata o 18 de novembro.
4. O sorteo dos membros da mesa electoral realizaranse en acto público, entre os/as pais/nais que non se presenten como candidatos/as, o día 21 de novembro ás 16:30 horas. Dita mesa electoral estará composta pola directora do centro, que actuará como presidenta e catro pais/nais/titores legais, actuando de secretario/a o/a de menor idade.
5. A campaña electoral comprenderá dende o 22 de novembro e ata o 27 de novembro ambos días inclusive. As dependencias e servizos do centro estarán a disposición dos candidatos, previa petición á presidenta da Xunta Electoral, sempre que o seu uso non altere o normal funcionamento educativo do Colexio.
6. Poderán actuar como supervisores/as da votación os/as pais/nais/titores matriculados no centro que sexan propostos pola ANPA ou, no seu defecto, que estean avalados cando menos pola sinatura de 10 electores.
7. As votacións realizaranse neste centro o día 28 de novembro, de 9:00 a 10:15, de 13:00 a 14:30 e de 16:30 a 18:30 horas. A mesa electoral será constituída o mesmo día, ás 9:00 horas
8. Na papeleta de votación cada elector fará constar un máximo de un nome (art. 42) dos/as candidatos/as presentados/as, debendo acreditar a súa identidade á hora de votar exhibindo o DNI ou documento similar. O voto será directo, segredo e non delegable.
9. Non se admitirá o voto por correo.
10. Terán dereito ao voto ambos pais/nais/titores legais do alumnado.
11. Finalizada a votación procederase ao escrutinio dos votos, que será público, e unha vez realizado, levantarase acta para o envío á Xunta Electoral do centro.
12. A Xunta Electoral do centro resolverá tódalas dúbidas e reclamacións que se podan formular.
Ames, a 10 de novembro de 2022
A DIRECTORA DO CENTRO:
PRESIDENTA DA XUNTA ELECTORAL
