XA ESTÁ EN CAMIÑO  todo o material escolar e de limpeza recollido no cole para enviar a Valencia. Tamén o aportado polo Colexio Novo .

O venres día 15 pola mañá recibimos a Fernando e a Julio ( director do CEIP de Palas de Rei )

Fernando, o voluntario que xa viaxa cara Valencia co seu furgón contounos que non é a primeira viaxe que fai alá nestes días e que a situación aínda é moi complicada e desoladora.

Foi o alumnado de 6ºB de E.Primaria ( en representación de todo o cole ) o que axudou a cargar ese furgón cheo de material e solidariedade.

  MOITAS GRAZAS Á TODA A COMUNIDADE EDUCATIVA POLA COLABORACIÓN !

GRAZAS POLA VOSA SOLIDARIEDADE CON VALENCIA!!!

A comunidade educativa xuntou todas estas caixas con materiais para facerlle chegar ás persoas afectadas polas riadas da Comunidade Autónoma de Valencia.

Ata o 14 de novembro no noso colexio recolleremos MATERIAIS ESCOLARES  e  PRODUTOS DE LIMPEZA que a Comunidade Escolar aporte para axudar ás persoas danmificadas polas graves inundacións nalgúns concellos da Comunidade Autónoma de Valencia.

Aclarar que se trata dunha colaboración voluntaria. Non é obrigatorio traer nada.

Hoxe o alumnado levou aos fogares unha carta informando máis polo miudo como se levará a cabo dita colaboración. Premede sobre a imaxe para vela de forma ampliada.

A Comunidade Educativa do CEIP Plurilingüe A Gándara de Monforte de Lemos (Lugo) pode acceder, sen necesidade de autenticarse,  á aplicación PROENS e ver as diferentes programacións do noso centro escolar.

Cal é o proceso a seguir?

1. Ir á web https://www.edu.xunta.gal/proens
2. No menú da esquerda prememos en Acceso Público
3. Na caixa central, en Filtros para a busca, escribimos o código 27014860 e selecciónanse os datos da programación que se desexa buscar.
4. Prémese buscar e aparecerán na parte inferior as diferentes programacións.
5. Para velas só hai que darlle á lupa.