Hoxe, grazas á colaboración de Acrómates, ColorAdd, Adrián Salgado, o Concello de Monforte e Kidacu tivemos a oportunidade de sensibilizarnos, detectar e entender mellor o daltonismo en xeral e, en particular, a realidade de Diana, a nosa compañeira de 5º de Primaria, que convive coa Acromatopsia, un trastorno moi pouco común que afecta ao funcionamento dos conos dos seus ollos. Unha nova forma, por tanto, de implicar e incluír na vida do centro as peculiaridades e características do alumnado. Foi un auténtico pracer.

Aquí veredes aos DEPORTISTAS DE INFANTIL gozando dunha soleada xornada en Ribas Altas.

Co gallo da celebración do Día do Deporte  Fina,  a nosa mestra de E.Física , organizou unha sesión de xogos para todo o alumnado do centro na Área recreativa de Ribasaltas.

Ao alumnado de E.Primaria tocoulle o venres 31. Ademais, 3º,4º,5º e 6º participaron tamén nunha andaina dende o colexio.

Para ver o vídeo resumo desta actividade, picade na seguinte ligazón : 

O 29 de maio todo o alumnado de 5º de E.Primaria acompañado dos profes Nelson, Iria, Sara e Ángeles fixemos unha excursión a Santiago de Compostela para visitar o Parlamento de Galicia e o Museo de Historia Natural.

No Parlamento asistimos tamén durante 15 minutos a unha sesión plenaria in situ. Coñecemos persoalmente ao Conselleiro de Cultura,Lingua e Xuventude : D.José López Campos e a varios deputados/as.

Camiñamos polo casco vello, visitamos a Praza do Obradoiro, tamén a  Alameda e rematamos a nosa visita no Museo de Historia Natural.

Foi un día moi interesante e divertido. Pasámolo xenial !

Para ver o vídeo resumo desta excursión, picade na seguinte ligazón : 

O pasado venres 24 de maio, o alumnado do cole camiñamos, como celebración do Correlingua, ata o Parque dos Condes onde o grupo Mekánika Rolling Band foi o encargado de recibirnos e facernos bailar. Despois, fixemos pícnic ata que foi a hora de marchar.