O Samaín acércase e o cole transfórmase!!!

Queredes colaborar? Pois non traiades cabazas, nin arañas, nin morcegos... Este ano toca transformar unha vasoira e convertila en algo terrorífico. Atréveste?

Xa empezan a chegar... O prazo rematará o 30 de outubro. (O día 31 non haberá clase e o 1 de novembro, tampouco.)

O alumnado de 6º de E.Primaria realizou unha interesante e divertida actividade micolóxica da man de Carlos, de Terras de María Castaña.

Comezou no colexio cunha charla onde aprendemos as características dos diferentes tipos de cogomelos.

Logo, desprazámonos ata o veciño concello de Bóveda para buscalos e posteriormente clasificalos.

Para ver o vídeo resumo desta actividade, picade na seguinte ligazón : 

                           https://youtu.be/plTfsEG8P40

Neste novo curso e despois de moito traballo a biblioteca do CEIP Plurilingüe A Gándara abre as súas portas, e para que non vos perdades nadiña, deixámosvos un tríptico no que tedes toda a información sobre como atopar os libros, o seu horario e as normas que temos que cumprir na mesma.

Botádelle unha ollada e somerxédevos coa Gandariña na nosa biblioteca!