O Samaín acércase e o cole transfórmase!!!

Queredes colaborar? Pois non traiades cabazas, nin arañas, nin morcegos... Este ano toca transformar unha vasoira e convertila en algo terrorífico. Atréveste?

Xa empezan a chegar... O prazo rematará o 30 de outubro. (O día 31 non haberá clase e o 1 de novembro, tampouco.)

O alumnado de 6º de E.Primaria realizou unha interesante e divertida actividade micolóxica da man de Carlos, de Terras de María Castaña.

Comezou no colexio cunha charla onde aprendemos as características dos diferentes tipos de cogomelos.

Logo, desprazámonos ata o veciño concello de Bóveda para buscalos e posteriormente clasificalos.

Para ver o vídeo resumo desta actividade, picade na seguinte ligazón : 

                           https://youtu.be/plTfsEG8P40

A nosa mascota da biblioteca, Gandariña, precisa da túa creatividade! Está a buscar un novo corpo e queremos que ti sexas quen a axude a conseguilo. Participa no Concurso de Debuxo deseñando o corpo que máis che guste para Gandariña, e axúdanos a convertela na mascota de biblioteca máis fermosa da contorna.

Como participar:

•⁠  ⁠Fai un debuxo do corpo de Gandariña en formato folio.

•⁠  ⁠Entrega a túa proposta na biblioteca antes do 21 de outubro.

Este é o momento perfecto para deixar voar a túa imaxinación e colaborar co noso centro educativo! Contamos contigo!

Andando, andando... chegamos a MONFORTE!!!!

Case todo o colexio (menos o grupo dos peques de 3 anos)  o venres, 4 de outubro, fixemos un tramo do CAMIÑO DO INVERNO que pasa por Monforte de Lemos.

E ademais de conseguir o selo, regaláronnos unha bolsa-mochila cunha mazá e un botellín de auga. Graciñas á unha organización moi previsora.

Queredes vernos na andaina? Clicade no seguinte vídeo.

Que aburrimento!!! Chove todo seguido e non podemos saír fóra!!! 

QUEREDES FACER MANUALIDADES PARA A DECORACIÓN OUTONAL?

Aquel alumnado que o desexe pode facer nos seus fogares algo relacionado co tempo do outono e traelo ao colexio.

Veña!! Estamos desexando ver a vosa creatividade. Aquí tedes algunhas imaxes inspiradoras.