Xa sabedes que o venres que vén, día 11 de novembro, celebraremos o  MAGOSTO no Colexio, se o tempo o permite.

Con  tal motivo é necesario que os nenos e nenas traiades  unhas poucas castañas, previamente picadas (cun corte na casca) para asar e se queredes unha bebida (auga, zume...) en envase non de vidro. Tamén haberá chourizos asados con pan.

Se algún de vós  dispón na casa de carozos ou leña miúda para facer a brasa, pode traer unha pouca ao Colexio; sempre co consentimento da vosa familia. Sería de gran axuda.

Pasarémolo moi ben,  comendo e xogando!!!

O Colexio xa está preparando murais e actividades para o evento.

Tamén podedes seguir traendo as vosas manualidades feitas con materiais de outono  para expoñer. Hai cousas moi curiosas e bonitas.

Grazas pola colaboración das familias.