Visita de Ángel Carracedo ao colexio de Abanqueiro

Enviado por Anónimo o Mér, 23/01/2013 - 15:14

Actividades Normalización

O luns, 21 de xaneiro do 2013, contamos coa visita de Ángel Carracedo.
Foi unha xornada inolvidable, dada a súa calidade humana. Os mestres e mestras quedamos sorprendidos polo seu trato cara ao alumnado e a nós mesmos. Deunos unha lección de humildade e de bo facer co alumnado, ao que lle explicou cunha destreza digna dos mellores mestres, o que é o ADN e a importancia que ten para a vida.

Houbo tempo para os experimentos e para as preguntas de todo tipo relacionadas co seu ámbito de traballo: forense, enfermidades raras, investigación, etc...

Na súa charla, non deixou de lado valores de gran relevancia para traballar nestas idades como o esforzo, o traballo constante, a protección da natureza, a importancia da vida que nos rodea... e amosounos un gran sentido do humor que era descoñecido para nós.

Carracedo destacou a creatividade do alumnado de Abanqueiro, e animounos a traballar este aspecto, tan presente na etapa de Primaria e que considera imprescindible para chegar a ser ser un bo investigador.

Despois dunha mañá na que se adicou a charlar con tódolos cursos do Centro, tivemos tempo de conversar sobre sobre o seu traballo.

A continuación amosamos algunhas imaxes da visita e só nos queda agradecer dende aquí a deferencia que tivo ao visitar o noso centro.

Charlando co alumnado de 4º, 5º e 6º.