A ANPA Napaban, convida a todalas familias, a unha charla sobre a maneira de educar en igualdade. O martes 26 de novembr, as 18:30, no Centro Social de Abanqueiro.

Esta mañá tivemos o gusto de ver a obra de Baobab teatro "Pum, pum".

Grazas á ANPA por facernos pensar en tódolos niveis do cole na importancia de respectarnos, de escoitarnos e de ser fortes para berrar.

Despois de recibir o selo nacional polo proxecto eTwinning "Show Your Love" levado a cabo o pasado curso co alumnado de 6º de educación primaria, gustaríanos compartir con todos vós a nova de que tamén fomos premiados co selo de calidade europeo.

Podedes consultar máis información na páxina web oficial de eTwinning:

Selos de Calidade Europeos 2019

A Consellería de Educación ven de publicar un novo espazo adicado ás familias onde podedes atopar información interesante.

Deixámosvos aquí o acceso:

PORTAL FAMILIAS

Hoxe é un día especial na nosa escola: conmemórase o día da diabete, que a partir deste curso está presente no noso día a día.

As amigas de ANEDIA trouxéronnos a Raquel Queizás e aos seus contos para axudarnos a entendela e saber actuar. E que ben o pasamos!!!

O alumnado de infantil fomos ao teatro coa xente dos outros coles do concello!!! Pasámolo en grande e achegámonos á realidade dos contacontos e os guiñois. Graciñas ao Concello!!!

Aínda que o tempo non nolo puxo doado, o alumnado de Abanqueiro celebramos o magosto con xogos populares e con moita castaña!!!

Coma sempre, graciñas á ANPA, que nos trouxo asador e asadoras para podermos merendar. Os tizóns quedan para a próxima ;)

https://youtu.be/4-xekZUYBok

No colexio de Abanqueiro pecháronse portas e fiestras para recibir con anticipo ao Samaín.

Grazas á rapazada de 6º polo conxuro, ao equipo de DL pola decoración e á ANPA pola merendola, polo tempo... por todo!

Achegamos convidación da ANPA do IES Praia Barraña, para unha charla aberta a tódalas familias do Concello. 

O pasado 25 de outubro toda a comunidade educativa do CEIP Plurilingüe de Abanqueiro saiu ás calles para participar na xa tradicional carreira contra a leucemia infantil en favor da asociación Uno entre cien mil.

O total recaudado ascendeu a 564,27€. 

Moitas grazas a todas e todos pola vosa participación e colaboración.

Porque todas as persoas podemos ser unha; e xuntas somos máis fortes!!!

Informámosvos do calendario de actividades previstas do programa de igualdade e violencia de xénero promovido pola ANPA NAPABÁN.

Agradecemos como sempre á ANPA a súa labor como membro da comunidade educativa.

Tal e como fixemos o curso pasado, queremos aportar o noso pequeno grao de area á loita contra a leucemia infantil colaborando coa fundación "Uno entre cien mil" a través dunha carreira solidaria que se celebrará o vindeiro venres 25 de outubro nas instalacións do centro.

A aportación mínima por participante será de 3€.

Estades todas as familias invitadas a participar previa inscripción na secretaría do centro.

O prazo de inscripción e de entrega dos donativos remata o mércores 23.

Moitas grazas pola vosa colaboración.

Xa comenzamos a traballar no novo proxecto eTwinning "Our World, My World" e a primeira actividade planificada foi deseñar un logo que represente o proxecto.

Neste caso foron os alumnos de 5º de primaria os encargados de deseñar dito logo. Para esta tarefa tiveron total liberdade en canto ao agrupamento, algúns decidiron facelo en parellas e outros de forma individual. Empregaron os Ipads e a aplicación Poster my wall e deseñaron en total 4 logos diferentes.

Ao longo desta semana o resto de alumnado do centro procedeu á votación do logo para escoller o que nos representará no proxecto eTwinning. E este foi o logo seleccionado:

A Conselleira de Educación, Carmen Pomar, visitou esta mañá o noso centro.

Interesouse por saber os nosos puntos fortes e tamén as nosas debilidades e necesidades.

O trato que tivo cos alumnos foi tan cercano que os máis pequenos incluso lle chamaban "profe".

Dende o equipo directivo agradecemos a súa visita ao noso centro.

Adxuntamos listaxe de libros de texto que deberán mercar para este curso 2019-2020.