Neste video podedes visualizar unha adaptación da receta do bizcoito de iogurt que se prepara con asiduidade na cociña do taller de Lavandería dos Programas Formativos, e que tanto éxito ten. Deste xeito, dende AL, facilitamos a comprensión, seguemento e interiorización dos pasos da elaboración. Ademáis, esta tarefa contribúe a potenciar a participación, a expresión oral e a intención comunicativa. Os alumnos/as participantes disfrutárono moito, amosándose ledos e seguros de si mesmos.Estaba bonísimo!!
O alumnado do centro utiliza diversos sistemas de comunicación, entre eles os comunicadores. O equipo SAAC queremos achegarvos un tríptico cos primeiros pasos para comezar a usar un comunicador. Esperamos que vos sexa de utilidade.
O alumnado do CEE Saladino Cortizo ten voz propia, por iso dende o centro ofrecémoslles todos os recursos que sexan posibles para que teñan acceso a un dereito fundamental como é a comunicación.
Algúns dos sistemas de comunicación que empregan son os seguintes:
- ASTERICS GRID: sistema de apoio para a comunicación gratuíto creado por ARASAAC e que facilita a participación do noso alumnado nas actividades cotiás.
- GRID3 ou Grid for iPad: software de pago para Android ou iPad que permite o acceso á comunicación e adáptase a distintas formas de acceso como poden ser a través do rato, teclado, conmutadores, mirada ou táctil.
- LetmeTalk: aplicación gratuíta de apoio á comunicación mediante o uso de pictogramas.
- Lingua de Signos Española (LSE): lingua natural da comunidade xorda de carácter visual, xestual e espacial que conta cunha grmática propia que reúne todas as características e funcións de calquera outra lingua.
- Pictogramas: debuxo ou signo gráfico que representa unha palabra ou idea.
- Xestos naturais: movementos dalgunha parte do corpo, especialmente realizados coa cara ou coas mans cos que se expresa unha necesidade e intereses co fin de transmitir unha mensaxe.
É importante destacar que todas as formas de comunicación son válidas, polo que entre todos/as debemos garantir o dereito de calquera neno e nena á comunicación, apoiándoos para que aprendan e adquiran aqueles sistemas, recursos ou estratexias que mellor se adapten as súas necesidades.
Achegamos dende o Equipo SAAC, parte do material que se emprega dende Audición e Linguaxe para traballar algúns contidos, como exemplo do traballo para mellorar a comprensión mediante o uso dos pictogramas.
